Breaking

Monday, 10 September 2018

Manch sanchalan kaise kare: Manch sanchalan

Manch sanchalan kaise kare: Manch sanchalan

Namste dosto, ap sabhi ka swagat karta hu me aj ke es unique lesson me jisme hum manch sanchalan kaise karte hain eske bare me janenge. Ummid karta hu apko ye lesson bahut jyada pasand aane vala hai.

Manch sanchalan

Dosto, keval kavi hi nahi balki har stage performer chahta hai ki use manch sanchalan karna aaye. Anchor se lekar kavi ye sabhi manch sanchalan me jyada dilchaspi lete hain. Dosto manch sanchalan kaise karte hain ye janne se pahle apko ye jan lena chahiye ki manch sanchalan kya hota hai.

Manch sanchalan kya hai

Dosto, manch ki paribhasha se ap jarur vakif honge. Jab kisi stage par kalakaron ki performance ho rahi ho or unhe stage par ek bhavatmak tarike se bulane vala or us manch ko chalane vala yani operate karne vala hona chahiye. Kahne ka matlab hai jo manch ko operate karta hai vo manch sanchalak hota hai or es puri prakriya ko manch sanchalan karna kha jata hai.

Manch sanchalan kaise kare

Manch sanchalan karna ek bahut alag skill hai jo sabhi me nhi hoti. Kyi bat acha likhne vala acha manch sanchalan bhi kar leta hai or kayi bar sirf acha bolne vala hi manch sanchalan kar pata hai. Manch sanchalan karne ke liye sabse pahle apko ek manch sanchalak ke vyaktitva me dhalna hoga. Dhyan rahe yhan keval bahay vyaktitva ke liye hi nhi balki aantrik vyaktiva se bhi dhalne ke liye kha ja raha hai.

Manch sanchalan karne se pahle apko karykram ki ruprekha banani hogi. Apko sabse pahle karykram me padhare atithi, chief guest aadi ko samman purvak amantrit karte hue ishthan grahan karana hoga. Uske bad apko ishvar ki aaradhna or deep prajvalit karne ki prakriya ko purn karna hoga. Eske bad ap kis tarh se ek ek artist ko manch par bulayenge eske liye kuch muktak ya shayari aadi taiyar karni hogi.

Manch sanchalan kaise kare

Krambdhta ka apko humesha khyal rakhna hoga ki kin kin ke ras ke artist ko kab bulana hai. Kayi bar kram sahi nhi hone se public bor hoke chali jati hai. Tab ap turant samjh jaye ki ho sakta hai apka manch sanchalan sahi disha me nahi ja rha hai. Jab bhi koi artist apni performance de to unhe motivate karte hue public se jode rakhe kyoki ye apka dayitva hota hai.

Agar ap manch sanchalan ki shayariya nahi likh pate hain to kisi rachnakar ki panktiya le sakte hain unka collection kar sakte hain lekin apko us rachna ke sath rachnakar ka nam jrur bolna chahiye ki ap kinki panktiya pesh kar rahe hain. Agar ap swayam likhte hain to bahut achi bat hai nahi to hum apko manch sanchalan ke liye shayariya uplabdh kara denge. Jab bhi hum manch sanchalan ki shayariyan lekar aayenge uska link apko es lesson me bhi mil jayega. Ya ap humari website ko subscribe karle taki apko mail ke madhyam se jankari mil jayegi.

To dosto, me ummid karta hu ki apko aaj ka ye lesson manch sanchalan kaise kare pasand aaya hoga or ap rojana es tarah ke lesson padhne ke liye humari website par padharenge. Keep writing yaar...

- Writer Yogendra Jeengar Yash

No comments:

Post a Comment