Breaking

Saturday, 6 October 2018

Munshi premachand punyatithi 8 October : munshi premachand biography

Munshi premachand punyatithi 8 October : munshi premachand biography

8 October Ko ek aisi shaksiyat ki punyatithi hai jinka jivan kafi sangarsho me gujra or jinhone hindi sahitya ko apni rachnao se ek nayi disha dene ka kam kiya hai. Aise sahitykar ka nam hota hai munshi premachand. Munshi premachand ka ek or nam hai jinse enhe jana jata hai or vo hai dhanpat ray.

Munshi premachand biography

Munshi premachand ka janm 31 july 1880 ko lamhi gav jo ki varanasi me hai vahan hua. Enke pita ajayab ray or mata aanandi devi thi. Jab bachapan me enki maa aanandi devi ka nidhan ho gya tha to enko soteli maa ko swikar karna pda lekin munshi premachand ko kabhi apni soteli maa se lad pyar nhi mila.

Education ki bat kare to enka dakhila enke gav ke hi ek school me kraya gya tha. Munshi premachand se judi ek bat hame prerit kar deti hai ki bachpan me stationary yani books ki dukan par ye kam kiya karte the or vhi ye books padha karte the. Esi vajah se enki books padhne ki aadat badhti gyi. Munshi premachand ko sabse jyada novel books padhna acha lagta tha.

College Education ki bat kare to munshi premachand ko college education puri karne ke liye bahut si dikkto ka samna karna pada. Aarthik isthati achi nhi hone se enhone padhai ko bich me hi chhod diya tha lekin fir bhi sangarsh karke enhone banaras ke ek college se 1919 me graduation complete karli.

8 October

Munshi premachand ke agar vaivahik jivan ki bat kare to enki shadi bachpan me hi kardi gyi thi lekin munshi premachand ko apni patni ki soch sahi nhi lgi or unhone ek widow women se shadi karli.

Munshi premachand ki ruchi gadya lekhan me jyada thi. Munshi premachand kayi kahaniya or lekh aadi likh chuke hain. Munshi premachand ke upanyas kafi prasiddh hai. Godan, gaban or kafan jaise Novel likhake munshi premachand sahitya me amar ho gaye. School ke dipti inspector ke rup me nokri kar rhe munshi premachand ne sahitya ke liye apni nokri tak chhod di thi.

Munshi premachand jivan

Munshi premachand ne apne jivan me kayi kashto ka samna kiya. Munshi premachand saririk tor par bimar rahne lage the or enki aarthik isthati achi nhi hone se kayi bar enko apna saman bechkar guzara karna pada. Munshi premachand ka swasthy kharab hota gya or ache elaj ke liye enke pas pese nhi hone se enka .swasthya din din bigadta gya jisse 8 October 1936 ko enka swargwas ho gya. Sahitya ke kshetra me apni amar rachnao se sahitya ko nayi disha dene vale sahityikar or upanyaskar munshi premachand ko aaj bhi yad kiya jata hai. Etna hi nhi enke upanyas ko aaj bhi log padte hain. School me bachcho ko munshi premachand ki rachnaye aaj bhi padhai ja rahi hai. Har vyakti or rachnakar ko munshi premachand ke jivan se prerana leni chahiye.


- Writer Yogendra Jeengar Yash

No comments:

Post a Comment