Breaking

Tuesday, 30 October 2018

5 Common mistakes in writing

5 Common mistakes in writing

Welcome dosto, apka dil se welcome hai humare writing network me jisme hum aj apko ye btane vale hain ki jyadatar likhne vale konsi 5 Common mistakes karte hain. agar ap bhi ye janna chahte hain to humare lesson ko pura jarur padhe.

Writing mistakes

Dosto, likhne me jinki ruchi hoti hai ye jaruri nhi ki suruat se hi vo bina mistake kiye likhne lag jayenge. Aisa nhi hota hai dhire dhire galati me sudhar kar kar ke hi hum behatar likhna sikhte hain. Aise me apko pta bhi hona chahiye ki ap kya galati jyadatar karte hain tabhi ap unme sudhar karke acha likh payenge. Me apko 5 Common mistakes mistakes aisi bata raha hun jo jyadatar sabhi likhne vale karte hi hain. Main khud ye mistakes karta tha. En 5 Writing mistakes ke nam ek bar apko bata deta hun uske bat ek ek ko clear se samjata hum.

1. Rhyming words
2. Gender mistake
3. Typing mistake
4. Rough line
5. emotion mistake


Writing tips

1. Rhyming words - pahli khas mistake hi rhyming words ko galat chunna or enka galat prayog karna hai. Kayi navin rachnakar ko ye pata nhi hota ki rhyming words kya hota hai vo bas lay ko dhyan me rakh kar ek jese words wrong type me lete jate hain or apni rachna me galati kar dete hain. Eske bare me mene apko ek lesson me acha samjhaya bhi hai apne agar humara lesson rhyming words kya hai or kaise dhundhe nahi padha hai to abhi jarur padh le.

2. Gender mistake - dusri sabse badi common mistake hai gender mistake. Kayi bar words ke gender ke hisab se line ko nhi likha jata. Pulling ko istri ling manke likh diya jata hai to kahi istri ling ko pulling. Espar humne humare channel par ek video banakar upload kiya hua hai vha se ap ese samajh sakte hain. Video link

3. Typing mistake - bhale hi ap acha likhne me expert honge lekin agar ap apni rachna ko sahi se type nhi kar pate ho or use wrong type karke bhej dete ho to uska galat prabhav padta hai or apki rachna me mistake rah jati hai. Humara kam likhna hai or hume ese sahi type karna chahiye.

Writing errors

4. Rough line - kayi bar jab ap koi poem likhte hain to ap uski ek line chhoti or dusri usse badi likh dete ho jisse un dono me santulan nhi dikhta or na vo padhne me sahi lagti hai. To ap jitna ho sake un lines ko barabar likhne ki kosis kare taki apki rachna ek ache structure me nazar aaye.

5. Emotion mistake - last mistake emotion mistake hoti hai. Kayi bar ap poem likhne ke chakar me words ko aise hi bich me thhus dete ho jisse apki pankti padhne ke bad pathak uska arth hi nhi samajh pata. Apke likhe hue ka koi arth nhi nikal pata. Ap apne emotion apni feelings ko words ke madhyam se sahi tarike se likhne ki kosis kare taki padhne vale use samajh paye.

Dosto, umid hai ye 5 Common writing mistakes apki samajh aa gyi hogi or apko pata chal gya hoga ki ap jyada mistake kaha par karte hain. Es writing network par fir se jarur padhare. Dhanyawad.

- Writer Yogendra Jeengar Yash

No comments:

Post a Comment